Tanādayo

120.

Tanu vitthāre saka sattismiṃ-du paritāpe sanu dānasmiṃ,

Vana yācāyaṃ manu bodhasmiṃ-hi gate apa pāpuṇanasmiṃ (hi,)

Kara karaṇasmiṃ(bhavati)si bandhe-su abhissavane(tanu ādīni;)

Niccaṃ ṇeṇayantā curādayo.

121.

Cura theyye loka (dhātu) dassane aki lakkhaṇe,

Siyā thaka patighāte (puna) takka vitakkaṇe;

122.

Lakkha dassanaaṅkesu (vattate) makkha makkhaṇe,

Bhakkhā’dane mokkha moce sukha-dukkha (ca) takiraye;

123.

Liṅga cittakirayā’dīsu maga-magga gavesane,

(Punā’pi) paca vitthāre klese vañca palambhane.

124.

Vacca ajjhāyane acca pūjāyaṃ vaca bhāsane,

Raca patiyatane suca pesuññe ruca rocane;

125.

Mucappamocane loca dassane kaca dittiyaṃ,

Sajjā’jja ajjane tajja tajjane vajja vajjane;

126.

Yuja saṃyamane pūja pūjāyaṃ tija tejane,

Paja magga saṃvaraṇe gate bhaja vibhājane;

127.

(Atho) bhāja puthakkāre sabhāja pītidassane,

(Atho tu) ghaṭa saṅghāte ghaṭṭa sañcalanā’disu;

128.

Kuṭa-koṭṭacchedane (dve) kuṭa ākoṭanā’disu,

Naṭa nacce caṭa-puṭa bhede vaṇṭa vibhājane;

129.

Tuvaṭṭa ekasayane ghaṭo visaraṇe (siyā),

Guṇṭha oguṇṭhane heṭha bādhāyaṃ veṭha veṭhane

Guḍi veṭhe kaḍi-khaḍi bhedane maḍi bhūsane;

130.

Paṇḍa-bhaṇḍa paribhāse daḍi āṇāya (mīrito),

Taḍi saṃtāḷane piṇḍa saṅghāte chaḍḍa chaḍḍane;

131.

Vaṇṇa saṃvaṇṇane cuṇṇa cuṇṇane āṇa pesane,

Gaṇa saṃkalane kaṇṇa savaṇe cinta cintane;

132.

Santa saṅkocane manta gutta bhāsana jānane,

Cita saṃcetanā’disu kitta saṃsaddane (bhave;)

133.

Yata nīyyātane gantha sandabbhe attha yācane,

Katha vākyappabandhe (ca) vida ñāṇe nude cuda;

134.

Chadā’pavāraṇe chadda vamane chanda icchayaṃ,

Vadī’bhivāda thomesu bhadikalyāṇakammani;

135.

Hiḷāda (tu) sukhe gandha sūcane vidha kampane,

Randha pāke (atho) māna pūjāyaṃ nu tthutimhi (tu;)

136.

Thana devasadde ūna parihāne thena coriye,

Dhana sadde ñapa tosa nisāna māraṇā’disu;

137.

Lapa vākye jhapa dāhe rupa ropaṇaādisu,

Pī tappane (siyā) kappa vitakke labhi vañcane;

138.

(Atho) vahi garahāyaṃ samu sāntvana dassane,

Kamu icchāya kantimhi (siyā) thoma silāghane;

139.

Timu temana saṅkāsu ama rogagatā’disu,

Saṃgāma yuddhe (vatteyya) īra vācā pakampane;

140.

Vara āvaraṇi’cchāsu yācāyaṃ dhara dhāraṇe,

Tīra kamma samattimhi pāra sāmatthiyā’disu;

141.

Tulu’mmāne khala sove sañcaye pālarakkhaṇe,

Kala saṅkalanā’dīsu (bhave) mīla nimīlane;

142.

Sīlū’padhāraṇe mūla rohaṇe lala icchane,

Dula ukkhepaṇe pūla mahattana samussaye;

143.

Ghusa sadde pisa pese bhusā’laṅkaraṇe (siyā,)

Rusa pārusiye khuṃsa akkose pusa posane;

144.

Disa uccāraṇā’dīsu vasa acchādane (siyā,)

Rasa’ssāde rave snehe (atho) sisa visesane;

145.

Si bandhe missa sammisse kuha vimbhāpane siyā,

Raha cāge gate (cā’pi) maha pūjāya (mīrito;)

146.

Pihi’cchāyaṃ siyā vīḷa lajjāyaṃ eḷa phāḷane

Hīḷa gārahiye pīḷa bādhāyaṃ taḷa tāḷane

Laḷa (dhātū)’pasevā’yaṃ (vattatī’mecurādayo;)

Samattā sattagaṇā.

147.

Bhuvādī ca rudhādī ca-divādi svā’dayo gaṇā,

Kiyādī ca tanādī ca-curādītī’dha sattadhā;

148.

Kirayāvācittamakkhātu-me’kekattho bahū’dito,

Payogato’nugantabbā-anekatthā hi dhātavo;

149.

Hitāya mandabuddhīnaṃ-vyattaṃ vaṇṇakkamā lahuṃ,

Racitā dhātumañjusā-sīlavaṃsena dhīmatā;

150.

Saddhammapaṅkeruharājahaṃso,

Āsiṭṭhadhammaṭṭhiti sīlavaṃso;

Yakkhaddilenākhya nivāsavāsī,

Yatissaro soyamidaṃ akāsi;

Kaccāyana dhātumañjūsā samattā.

Sācariyānusiṭṭhā parisiṭṭhaparibhāsā

1.

Ekā nekassa rānantū-’bhayesaṃ antimā sarā,

Aṅgānubandhā dhātūnaṃ-vuccante’pi yathākkamaṃ;

2.

Dhātuno vyāñjanā pubbe-niggahītaṃ sama’ntimā,

Ivaṇṇenā’rudhādīna-manubandhena ciṇhitaṃ;

3.

Sesā’nubandhā sabbesaṃ-hontī’dhu’ccāraṇapphalā,

Uccāvacapphalā bhāsa-ntarampatvā bha vanti’pi;

4.

Nāmadhātuka bhāvo’pi-kirayāya adhikārato,

Viruddhantarābhāvā-kvacideva payujjate;

5.

Dvandayuttivasā kvāpi-ādeso yovibhattiyā,

Guṇādibhāva saddo’pi-takirayatthe vidhīyate;